لوريال توفر منتجات تناسب الجميع loreal offer products fittinge everyone

السلام عليكم ورحمة الله وبركاته

.

.

.

اليوم راح اتكلم عن ماركة لوريال

.

هالماركة وايد احبها لعدة اسباب .. منتجاتها وايد حلوه وممتازه وتناسب الجميع من حيث لون البشره او نوعها ( جافة.. دهنية .. مختلطة)

واسعارها وايد حلوه تناسب الكل .. من اول الماركات اللي بديت اخذ منها اول ما بديت احط ميك اب 

.

في هذا البوست راح اعرض عليكم كم منتج جربتهم ورايي فيهم

.

.

.

جربت نوعين من البرايمرز:

الاول: infallible mattifying base 

احب هالبرايمر وايد .. وايد راح يناسب اللي بشراتهم دهنيه .. انا بشرتي جافه لكن استخدمه علي مناطق معينه مثل الانف والجبهه والمنطقه حول الفم لان هالبرايمر يسوي طبقه وايد حلوه للفاونديشن وهاي المناطق اللي ذكرتها عندي فيها مشاكل وتحتاج انها تكون طبقه او بمستوي واحد.

.

.

ثاني برايمر هو: magic lumi

اعشششققق هذا البرايمر وينفع للي بشراتهم جافه لان يعطي لمعه وااايد حلوه للويه .. اللمعه وايد صحيه .. عجيب

..

..

بنات انا جربت فاونديشن loreal lumi وجربت true match وايد حبيتهم واكثر شي الترو ماتش واايد ناسبني لكن للاسف انكسر عني من جريب فعسب جيه ما صورته

..

..

جربت البرونزر كان اول برونزر املكه .. بس بعد خلص .. وجربت مسكره السوده نسيت اسمها وكانت شي خيال كل هالبرودكت تقدرون تدخلون انستقرامي وتشوفونها صورتها وكتبت عنها ريفيو .

..

..  

الحين راح اتكلم عن الايشادوات 

جربت هالباليت اسمه infiniment bronze

الالوان وايد واضحه والجودة ممتازه 

بحطلكم سواتشز للالوان 

شوفوا الالوان كيف تجنن

..

..

جل لاينر من لوريال 

ما يبين ف الصور لكن انا وايد استخدمت هالايلاينر واايد كريمي وسهل فالرسم ما يتكتل ولا يروح بسرعه وايد قوي ويتم لفترة طويلة

..

..

اخيراً الارواج

وايد حبيت الالوان اللي عندهم وانا اعشق النوود .. وايد كريمي وثباته حلو

..

..

بشكل عام انا ولا مره تحسست من هالماركه وكل المنتجات اللي جربتها ما خيبت ظني .. تحصلونها في كل مكان

Follow my blog with Bloglovin