Saturday, August 1, 2015

باليت ايشادو انستازيا بيفرلي هيلز (مايا ميا) maya mia eyeshadow pallete

السلام عليكم ورحمة الله ورحمة الله وبركاته
.
موضوعنا اليوم عن افضل باليت ايشادو (بنظري) .. هالباليت نقدر انسوي فيه وايد لوكات وكل الوانه عمليه.


.
يحتوي على ١٠ الوان ( ٥ الوان مطفيه(مات) .. و ٥ شيمر (فيهم لمعه).
.
الالوان واساميهم ويفضل استعمالهم متى؟!

nude: يستعمل بعد وضع مثبت الايشادو ( برايمر) عشان يسهل عملية الدمج .

deep brown: هاللون عباره عن بني غامق حلو للي يخافون يحطون لون اسود ينفع للسموكي ميك اب او ك ايلاينر مموه او لتحت العين او عظمة الجفن ..... له عدة استخدامات.

sienna: هاللون وايد مميز تقريباً في كل ميك اب لوك بتحصلونه .. استخدامه غير محدود .. وايد احبه.

warm taupe: حلو اذا بتستعملينه كلون انتقالي ع عظمة الجفن لان لونه خفيف.

vanilla: هاللون حلو لمدمع العين و على الجفن المتحرك.

aqua: تقريباً هاللون من الاقل استخداماً يمكن تستعملونه ع الجفن المتحرك او على مدمع العين شفت وايد يسوون هالحركة.

fresh peach: هذا بعدني ما جربته بس حلو للجفن المتحرك.

glisten: هاللون وايد وايد جميييل ينفع لوايد لوكات وايد حلو.

caramel: واحد من اهم الالوان والاكثر استخداماً وايد حلو كلون انتقالي وراح تشوفونه في وايد لوكات وهو يعتبر لون اساسي يكون عند كل بنت.

gold bar: هاللون وايد مميز عباره عن لون ذهبي مايل للصفار حلو لمدمع العين والجفن المتحرك.
.
الايشدوات بشكل عام انتي تتحكمين فيهم وتستخدمينهم بطريقتج اللي تحبينها.
هالباليت اعتقد فيه كل الالوان اللي تحتاجها كل بنت .
.
والباليت وايد يستاهل لانه نوعيته زينه واتم لفتره طويله وسهل استخدامها ودمجها وما تتناثر او تتآكسد.
.
هاي سواتشز للسطر الاول  من اليسار لليمين
.
وهاذي للسطر الثاني 
.
انا خذته من تاجرة من الانستقرام عندها موقع:
    

او الطلب اونلاين من موقعهم الاساسي:

No comments:

Post a Comment