السلام عليكم ورحمة الله وبركاته
.
.
اليوم راح اتكلم عن مفضلاتي لهالفترة / الاكثر استخداماً
.
اولاً مرطب كلينك
مب الافضل لكن يفي بالغرض لازم احطه قبل الميك للترطيب
.
ثانياً برايمر لومي ماجك من لوريال
وايد حلو للبنات اللي يبون لمعه في ويههم وسعره حلو تلاقونه عند اغلب التاجرات مب متوفر في الامارات
.
ثالثاً برايمر برونزي من سيفورا
انا استخدمه بروحه يعطيني لوك برونزي وفيه لمعه ينفع للصيف للي بشراتهم فيها تصبغات وحبوب ومشاكل ما اعتقد بيناسبها
لان تغطيته خفيفه وهو برايمر ما يستوي استعماله بروحه بس لان انا الحمدلله ما اعاني من مشاكل مع بشرتي ف احبه
ولان في لمعه ما يناسب البشره اللي فيها حبوب لان راح يبرزهم .. وما ينفع خلطه مع الفاونديشن لان راح يختفي لان خفيف
.
رابعاً بودره حره من كيكو
بودره شفافه حلوه لتثبيت الكونسيلر والفاونديشن حباتها خفيفه وما تكتل للبشره الجافه لازم ترطب ويهها بعمق عشان ما يجف ويهها
او يتكتل وحلوه لتقنية البيكنق
.
خامساً اسنفجة التثبيت
اسفنجة من فورايفر ٢١ وايد حلوة لاستخدامها مع البودرة الحرة للبيكنق
.
سادساً فرشاة ريل تكنيك
حلوه لتثبيت البودره للكونسيلر تستعمل للبودره الحره والمضغوطه
.
سابعاً برونز دارك جوكليت سوليه من توفيسد
وايد حبيته للكونتور وبرونز .. الحلو انه يندمج بسرعه ويظل لفترة طويلة .
.
ثامناً بلشر من فلورمار رقم ٩١
من احلى البلشرات اللي استعملتهم حلو للاستعمال اليومي .. احسه وايد يغير الشكل وجودته قويه ويظل لفتره طويله ويناسب وايد لوكات
.
تاسعاً فرشاة البلشر من سيفورا رقمها ٤٩
وايد تسهل وضع البلشر بطريقة مرتبة ووايد ناعمه
.
عاشراً الايشدوات
احلى ايشدويين من ايسنس رقم ١٦ وايد حلو لعظمة الجفن وايشادو كلر بوب اسمه سماش
هالاثنين سعرهم معقول وحلويين للاستخدام اليومي وثباتهم قوي بالنسبه لسعرهم
.
١١- قلم للعين حليبي من ريميل
وايد بنات في الانستقرام مدحوا لي اياه وثبااته وايد قوي اهم نقطه عندي .. اللون وايد واضح انصح فيه وبقوة
.
١٢- مسكرة كيكو اسمها unforgettable
المسكرة تكثف وتطول وفيها حبوب صغيره بس تروح كل ما حطيتي وثباتها قوي
.
١٣- اداة لوضع المسكرة
هالاداة من فلتر فلف وايد تساعد في وضع المسكره بترتيب بدون ما تخلي المسكره تطبع على العين وتعطي لوك وايد مرتب للرموش
.
١٤- رموش من فلتر فلف اسمها تويقي الرموش منك
لانها منك فتبين وايد طبيعيه وتعطي قصه حلوه للعين والديزاين وايد حلو
.
واخر شي روج من ماك اسمه whirl
من كولكشن المات ومن اسم الكولكشن يعني هو مطفي ومعروفه ارواج ماك من الثبات وكل شي واللون وايد يستاهل التجربه
.
اتمنى عجبتكم مفضلاتي اكتبولي شو مفضلاتكم في الكومنت بوكس
No comments:
Post a Comment